खानापूरमध्ये उद्या काँग्रेसचे ‘संघटन सृजन अभियान’; तालुकाध्यक्षपदासाठी इच्छुकांना अर्ज करण्याचे आवाहन

खानापूरमध्ये उद्या काँग्रेसचे ‘संघटन सृजन अभियान’; तालुकाध्यक्षपदासाठी इच्छुकांना अर्ज करण्याचे आवाहन

खानापूर : काँग्रेस पक्षाच्या संघटनात्मक पुनर्बांधणीअंतर्गत राबविण्यात येत असलेल्या ‘संघटन सृजन अभियान’ कार्यक्रमाचे आयोजन उद्या गुरुवार, दि. १२ नोव्हेंबर रोजी खानापूर येथे करण्यात आले आहे. सकाळी १०.३० वाजता शिवस्मारक येथे हा कार्यक्रम होणार आहे.

या अभियानांतर्गत जिल्हास्तरावरील जिल्हाध्यक्षांची निवड प्रक्रिया पूर्ण झाली असून, आता तालुकास्तरावर तालुका अध्यक्षांची निवड करण्यात येणार आहे. या पार्श्वभूमीवर खानापूर तालुका ब्लॉक काँग्रेसतर्फे तालुकाध्यक्षपदासाठी इच्छुक असलेल्या व्यक्तींनी उद्याच्या कार्यक्रमात आपले अर्ज सादर करावेत, असे कळविण्यात आले आहे.

या निवड प्रक्रियेसाठी कर्नाटक प्रदेश काँग्रेस कमिटी (केपीसीसी) तर्फे निरीक्षक उपस्थित राहणार आहेत. अभियानासंदर्भातील अधिक माहितीसाठी केपीसीसी सदस्य महादेव कोळी तसेच खानापूर ब्लॉक काँग्रेस अध्यक्ष यांच्याशी संपर्क साधण्याचे आवाहन करण्यात आले आहे.

या कार्यक्रमाला काँग्रेसचे सर्व नेते, पदाधिकारी, कार्यकर्ते, युवक व महिला पदाधिकाऱ्यांनी उपस्थित राहावे, असे आवाहन तालुका ब्लॉक काँग्रेसच्या वतीने करण्यात आले आहे.

कार्यक्रमाचा तपशील :

  • दिनांक: गुरुवार, १२ नोव्हेंबर २०२६
  • वेळ: सकाळी १०.३० वाजता
  • स्थळ: शिवस्मारक, खानापूर
  • विषय: संघटन सृजन अभियान व तालुकाध्यक्ष निवड प्रक्रिया
Share

Leave a Reply

Your email address will not be published. Required fields are marked *

eighteen + fourteen =

error: Content is protected !!