🏐 व्हॉलीबॉलच्या दमदार सामन्यांनी रंगला जायंटस सप्ताहाचा शुभारंभ

बेळगाव : बालिका आदर्श विद्यालय येथे व्हॉलीबॉल स्पर्धेच्या उत्साहपूर्ण आयोजनाने जायंटस सप्ताहाचा दणदणीत शुभारंभ करण्यात आला. प्रसिद्ध डेव्हलपर-बिल्डर श्री. आर. एम. चौगुले आणि जायंटसचे अध्यक्ष श्री. लक्ष्मण शिंदे यांच्या हस्ते नेटपूजन करून स्पर्धेचे उद्घाटन करण्यात आले.

यावेळी पूजा प्रवीण त्रिवेदी, फेडरेशन ऑफिसर डोणकरी, विद्यालयाचे मुख्याध्यापक तसेच फेडरेशन ऑफिसर सुनील मुतगेकर यांच्या हस्ते पूजन करण्यात आले.

स्पर्धेत सहभागी झालेल्या खेळाडूंनी उत्स्फूर्त सहभाग नोंदवत उत्कृष्ट खेळाचे प्रदर्शन केले. विजेत्या संघांना मोमेंटो आणि प्रशस्तीपत्रक देऊन गौरविण्यात आले. को-ऑर्डिनेटर अशोक हलगेकर, उपाध्यक्ष अरुण काळे, डायरेक्टर राहुल बेलवलकर, आकाश लाटूकर, जयवंत पाटील, प्रदीप चव्हाण आणि सचिव विश्वास पवार यांच्या हस्ते विजेत्या संघांना पुरस्कार प्रदान करण्यात आले.

यावेळी अध्यक्षीय भाषणात लक्ष्मण शिंदे यांनी जायंटस सप्ताहाचा उद्देश स्पष्ट करताना जायंटसकडून राबविण्यात येणाऱ्या विविध सामाजिक उपक्रमांची माहिती दिली. समाजोपयोगी उपक्रम, क्रीडा आणि सामाजिक बांधिलकीच्या माध्यमातून समाजाच्या विविध घटकांपर्यंत पोहोचण्याचा जायंटसचा प्रयत्न असल्याचे त्यांनी सांगितले.

व्हॉलीबॉल स्पर्धेच्या जोशपूर्ण वातावरणात झालेल्या या शुभारंभामुळे जायंटस सप्ताहाला उत्साहाची सुरुवात झाली.

Related Posts

शौर्याच्या वारशातून भारत-इटलीतील विद्यार्थ्यांचा संवाद; नाईक यशवंत घाडगे यांच्या स्मृतींना अभिवादन

भक्तीला पर्यावरण संवर्धनाची जोड; संजीविनी फौंडेशनच्या गणेशोत्सवाची उत्साहात सांगता

बेकायदा पेट्रोल-डिझेल साठ्यावर CCB पोलिसांची कारवाई; 6.89 लाखांचा मुद्देमाल जप्त

Leave a Reply Cancel reply