बेळगाव : प्रतिनिधी
श्रीदत्त संस्थान, पंतबाळेकुंद्री येथे श्रीपंत शके १७२ चा श्रींचा १२९ वा पुण्यतिथी उत्सव मंगळवार, दि. २७ ऑक्टोबर २०२६ ते गुरुवार, दि. २९ ऑक्टोबर २०२६ या कालावधीत आयोजित करण्यात आला आहे. या तीन दिवसीय उत्सवात विविध धार्मिक कार्यक्रम, पूजन, आरती आणि महाप्रसादाचे आयोजन करण्यात आले आहे.
उत्सवाच्या पहिल्या दिवशी, मंगळवार दि. २७ ऑक्टोबर रोजी सकाळी ७ वाजता श्रींचे नित्यपूजन, श्रीपादपूजा, माध्यान्ही पूजा, देवतांचे पूजन व दुग्धाभिषेक आदी धार्मिक विधी होतील. त्यानंतर दुपारी २ वाजता श्रींच्या पालखीची मिरवणूक काढण्यात येणार असून, सायंकाळी ६ वाजता आरती व रात्री भजनाचा कार्यक्रम होईल.
बुधवार, दि. २८ ऑक्टोबर रोजी सकाळी ७ वाजता श्रींचे पूजन व धार्मिक कार्यक्रम होतील. त्यानंतर सकाळी ७.३० वाजता श्रींच्या पालखीची गावातून मिरवणूक काढण्यात येणार आहे. यावेळी भाविकांना श्रींच्या पालखीचे दर्शन घेता येणार आहे. तसेच विविध धार्मिक कार्यक्रमांचे आयोजन करण्यात आले आहे.
गुरुवार, दि. २९ ऑक्टोबर रोजी सकाळी श्रींचे पूजन व महाप्रसादाचे आयोजन करण्यात आले आहे. या दिवशी भाविकांनी मोठ्या संख्येने उपस्थित राहून श्रींचे दर्शन व महाप्रसादाचा लाभ घ्यावा, असे आवाहन उत्सव समितीच्या वतीने करण्यात आले आहे.
उत्सवाच्या काळात भाविकांनी मंदिर परिसरात शिस्त पाळून धार्मिक कार्यक्रमांत सहभागी व्हावे, असेही आयोजकांनी कळविले आहे.
अधिक माहितीसाठी संपर्क : ०९४४८२८८९९१, ०७६७६६८२२१३, ०८३१-२४१८४८०
ई-मेल : dattasansthanb@gmail.com
