बेळगाव : बेळगाव क्लॉथ मर्चंट्स असोसिएशन आणि बेळगाव ट्रेडर्स कौन्सिलच्या वतीने भारताचा ८०वा स्वातंत्र्य दिन संयुक्त महाराष्ट्र चौक, खडेबाजार येथे देशभक्तीपूर्ण वातावरणात उत्साहात साजरा करण्यात आला.
यावेळी मोठ्या संख्येने असोसिएशनचे पदाधिकारी, व्यापारी, सदस्य आणि हितचिंतक उपस्थित होते. मान्यवरांच्या उपस्थितीत राष्ट्रध्वज फडकावून राष्ट्रगीत आणि देशभक्तीच्या वातावरणात स्वातंत्र्य दिन साजरा करण्यात आला.
असोसिएशनचे अध्यक्ष सतीश तेंडुलकर यांनी उपस्थित सदस्यांचे आभार मानले. व्यापारी वर्गाने मोठ्या उत्साहाने कार्यक्रमात सहभागी होऊन तो यशस्वी केल्याबद्दल त्यांनी सर्वांचे कौतुक केले. देशाच्या आर्थिक विकासात व्यापारी आणि व्यावसायिक समुदायाचे महत्त्वपूर्ण योगदान असल्याचे त्यांनी यावेळी नमूद केले.
व्यापारी समुदायाची एकता, बंधुभाव आणि राष्ट्राप्रती असलेली बांधिलकी या कार्यक्रमातून अधोरेखित झाली. देशाच्या प्रगतीसाठी एकजुटीने कार्य करण्याचा तसेच सामाजिक जबाबदारी जपण्याचा संदेश यावेळी देण्यात आला.
कार्यक्रमाच्या यशस्वी आयोजनासाठी असोसिएशनने सर्व सदस्य, पदाधिकारी आणि सहकार्य करणाऱ्या हितचिंतकांचे आभार मानले. देशभक्तीपूर्ण वातावरणात कार्यक्रमाची सांगता झाली.
जय हिंद!
