📰 अनिल गुरुनाथ अंबरोळे यांना आयबीबीएफचे नूतन सदस्यपद

बेळगाव : शरीरसौष्ठव क्षेत्रात गेली 34 वर्षे अविरत कार्यरत असलेले शरीरसौष्ठवपटू, राष्ट्रीय पंच व कार्यकर्ते अनिल गुरुनाथ अंबरोळे यांना अलीकडेच आयबीबीएफचे नूतन सदस्यपद प्राप्त झाले. आयबीबीएफचे सचिव सुरेश कदम यांच्या हस्ते अंबरोळे यांना सदस्यपद प्रमाणपत्र प्रदान करण्यात आले.

1989-90 मध्ये मनपा व्यायामशाळेतून सरावाची सुरुवात केलेल्या अंबरोळे यांनी 1996 पर्यंत जिल्हा व राज्यस्तरीय स्पर्धांमध्ये सक्रिय सहभाग घेतला. 2014 साली त्यांची राष्ट्रीय पंच म्हणून निवड झाली. त्याचबरोबर 1996 पासून स्थापन झालेल्या बेळगाव जिल्हा शरीरसौष्ठव संघटनेत त्यांनी विविध पदांवर कार्य केले आहे.

नुकतीच त्यांनी नुतन बेळगाव जिल्हा शरीरसौष्ठव संघटना व स्पोर्ट्स ही नवी संघटना स्थापन करून संस्थापक अध्यक्षपदाची जबाबदारी स्वीकारली आहे. तसेच, मागील दीड वर्षांपासून ते मनपा व्यायाम शाळेचे अध्यक्षपदही भूषवत आहेत.

राज्याध्यक्ष डॉ. संजय सुंठकर, जिल्हाध्यक्ष महेश सातपुते, गौरवाध्यक्ष मिहीर पोतदार, राष्ट्रीय पंच राजेश लोहार, नारायण चौगुले यांसह इतर पदाधिकाऱ्यांच्या सहकार्याने अंबरोळे यांनी बेळगावच्या शरीरसौष्ठव खेळाडूंना राष्ट्रीय व्यासपीठ उपलब्ध करून देण्यासाठी पुढाकार घेतला आहे.

त्यांच्या या यशामुळे बेळगावच्या शरीरसौष्ठव क्षेत्राला नवी दिशा मिळणार असून सर्वसामान्य शरीरसौष्ठवपटूंना याचा मोठा लाभ होणार आहे. 🚩

Related Posts

नंदगड : ६६ वा दीपावली क्रीडा महोत्सव — महिला कबड्डी स्पर्धेत आजरा संघाचा विजय!

मिनी ऑलिंपिक अथलेटिक्स स्पर्धेची जिल्हास्तरीय निवड चाचणी संपन्न

बेळगाव जिल्ह्यातून 70 स्केटर्सची राज्यस्तरीय स्पर्धेसाठी निवड!

Leave a Reply Cancel reply