📰 बेळगाव शहरातील गणेश विसर्जन मिरवणुकीसाठी वाहतूक मार्गात बदल वाचा सविस्तर

बेळगाव प्रतिनिधी

श्री गणेशोत्सवाच्या भव्य मिरवणुकीदरम्यान शहरात मोठ्या प्रमाणावर वाहतुकीची कोंडी होऊ नये यासाठी बेळगाव पोलिसांनी विशेष वाहतूक योजना आखली आहे. ६ सप्टेंबर दुपारी २ वाजल्यापासून ते ७ सप्टेंबर रोजी मिरवणूक संपेपर्यंत ही योजना अंमलात राहणार आहे.

मिरवणुकीचा मार्ग

मुख्य मिरवणूक नरगुंदकर भावे चौकातून सुरू होऊन मारुती गल्ली, हुतात्मा चौक, रामदेव गल्ली, समादेवी गल्ली, एन.डी.बूट सिग्नल, धर्मवीर संभाजी चौक (बोगारवेस), रामलिंगखिंड गल्ली, टिळक चौक, हेमुकलानी चौक, शनिमंदिर, कपिलेश्वर फ्लायओव्हरमार्गे कपिलेश्वर तलाव येथे समाप्त होणार आहे.

वाहतूक बदलांची रूपरेषा

• किल्ला तलाव, अशोक चौक, आरटीओ चौक, चन्नम्मा सर्कल मार्गे खानापूरकडे जाणारी वाहतूक – आरटीओ चौकातून एसपी ऑफिस, कोल्हापूर सर्कल, सदाशिव नगर, लक्ष्मी कॉम्प्लेक्स, विश्वेश्वर नगर, बाची क्रॉस, गांधी चौक, शौर्य चौक, केंद्रीय विद्यालय, शर्कत पार्क, ग्लोब थिएटर चौक मार्गे खानापूर रोडकडे वळवण्यात आली आहे.
• खानापूरकडून काँग्रेस रोडमार्गे शहरात येणारी वाहतूक – मिलिटरी महादेव मंदिर, असद खान दर्गा, गवळी गल्ली क्रॉस तसेच गोगटे सर्कलमार्गे रेल्वे फ्लायओव्हर वापरणारी वाहतूक ग्लोब थिएटर , गवळी गल्ली क्रॉस, शर्कत पार्क, केंद्रीय विद्यालय, शौर्य चौक, गांधी चौक, गणेश मंदिर, हनुमान नगर डबल रोड मार्गे बॉक्साईट रोडवरून राष्ट्रीय महामार्गाकडे वळवली जाणार आहे.
• गोगटे सर्कलमार्गे रेल्वे स्टेशन व शनी मंदिरकडे जाणारी वाहतूक – गोवावेस, नाथ पै सर्कल, खासबाग, बसवेश्वर चौक, संभाजी गल्ली रस्ता येथे वळवली जाणार आहे.
• नाथ पै चौकातून कपिलेश्वर फ्लायओव्हरकडे जाणारी वाहतूक – बँक ऑफ इंडिया, एसपीएम रोडमार्गे जाणारी वाहने खासबाग, बसवेश्वर चौक, संभाजी गल्ली रस्ता येथे वळवली जातील.
• जिजामाता चौक मार्गे देशपांडे पेट्रोल पंप, नरगुंदकर भावे चौक, पिंपळकट्टा, पाटील गल्ली येथून येणारी वाहतूक – थेट मध्यवर्ती बस स्थानक, पॅटसन शोरूम, जुना पी बी रोड मार्गे वळवण्यात येणार आहे.
• जुना बीबी रोडमार्गे कपिलेश्वर फ्लायओव्हरकडे जाणारी वाहतूक – व्हीआरएल लॉजिस्टिक, भातकांडे स्कूलमार्गे संभाजी रोडवरून बसवेश्वर चौक व नाथ पै चौकाकडे वळवली जाईल.
• जुना पीबी रोडमार्गे यश हॉस्पिटल, महाद्वार रोड, कपिलेश्वर मंदिराकडे जाणारी वाहतूक – यश हॉस्पिटलजवळून व्हीआरएल लॉजिस्टिकमार्गे जुन्या बीबी रोडवर वळवण्यात येईल.
• गुडशेड रोडमार्गे कपिलेश्वर फ्लायओव्हरकडे जाणारी वाहतूक – एसपीएम रोडमार्गे मराठा मंदिर, गोवा वेस कडे वळवण्यात आली आहे.

विशेष सूचना

• मिरवणुकीच्या मार्गावरील सर्व वाहन पार्किंग बंद राहील.
• शहरात अवजड वाहनांना प्रवेशबंदी लागू असेल.
• नागरिकांनी पर्यायी मार्गांचा व सार्वजनिक वाहतुकीचा वापर करावा, असे आवाहन पोलीस आयुक्त भूषण बोरसे यांनी केले आहे.

👉 पोलिसांनी नागरिकांकडून संयम व सहकार्याची अपेक्षा व्यक्त केली असून, विसर्जन मिरवणूक उत्साहात पार पाडण्यासाठी सर्वांना सहकार्य करण्याचे आवाहन केले आहे.

---

---