बेळगाव : शास्त्रीनगर येथील कॅडेट वेदांत किल्लेकर यांनी आशियातील नामांकित सागरी शिक्षण संस्थांपैकी एक असलेल्या टोलानी मेरीटाईम इन्स्टिट्यूटमधून तीन वर्षांचे कठोर प्रशिक्षण यशस्वीरीत्या पूर्ण करून पदवी संपादन केली आहे.
वेदांत यांनी नुकतेच संस्थेच्या पदवीदान समारंभात पदवी प्राप्त केली. शिक्षणादरम्यान त्यांनी सागरी क्षेत्रातील विविध तांत्रिक आणि व्यावसायिक कौशल्यांचे प्रशिक्षण घेतले. या यशामुळे बेळगावच्या शैक्षणिक आणि सागरी क्षेत्रातील विद्यार्थ्यांसाठी त्यांनी प्रेरणादायी उदाहरण निर्माण केले आहे.
पदवी संपादनानंतर वेदांत आता मर्चंट नेव्हीमध्ये अधिकारी म्हणून करिअर घडविण्याच्या दिशेने वाटचाल करणार आहेत. त्यांच्या या यशाबद्दल कुटुंबीय, मित्रपरिवार आणि परिसरातून त्यांचे अभिनंदन होत आहे.
बेळगावच्या युवकांनी विविध क्षेत्रांमध्ये राष्ट्रीय व आंतरराष्ट्रीय स्तरावर आपला ठसा उमटवावा, यासाठी वेदांत किल्लेकर यांचे हे यश निश्चितच प्रेरणादायी ठरणार आहे.
