🏆 राज्यस्तरावर सुशील पाटीलची सुवर्ण झेप; ज्योती स्पोर्ट्स क्लबचा खेळाडू ठरला स्टार ✨

बेळगावच्या नेहरू स्टेडियमवर गेली चार वर्षे घाम गाळणाऱ्या ज्योती स्पोर्ट्स क्लबच्या खेळाडू सुशील मरयप्पा पाटील याने राज्यस्तरीय अ‍ॅथलेटिक्स स्पर्धेत चमकदार कामगिरी करत क्लबच्या शिरपेचात मानाचा तुरा खोवला आहे. वर्ल्ड अ‍ॅथलेटिक्स डे चॅम्पियनशिप २०२६ निमित्त स्कूल ऑलिम्पिक फेडरेशन ऑफ इंडिया आणि यंग स्टार स्पोर्ट्स क्लब, बेंगळुरू यांच्या संयुक्त विद्यमाने आयोजित करण्यात आलेल्या स्पर्धेत सुशीलने सुवर्ण आणि रौप्य पदकांची कमाई करत सर्वांचे लक्ष वेधून घेतले.

स्पर्धेत सुशीलने ८० मीटर हर्डल्स स्पर्धेत सुवर्णपदक पटकावले, तर ८० मीटर धावण्याच्या स्पर्धेत रौप्यपदक मिळवले. तसेच ४×१०० मीटर रिले स्पर्धेतही सुवर्णपदक जिंकत आपली दमदार छाप पाडली.

सुशीलच्या या यशामागे ज्योती स्पोर्ट्स क्लबचे अध्यक्ष एल. जी. कोलेकर सर तसेच अनिल गोरे सर यांचे मोलाचे मार्गदर्शन लाभले आहे. याशिवाय क्लबमधील सर्व सदस्य आणि त्याचे आई-वडील यांचेही प्रोत्साहन व पाठबळ त्याला लाभले.

सुशील मरयप्पा पाटीलच्या या उल्लेखनीय यशाबद्दल सर्व स्तरातून त्याचे अभिनंदन होत असून, भविष्यातही तो राष्ट्रीय आणि आंतरराष्ट्रीय स्तरावर अशीच उज्वल कामगिरी करेल, असा विश्वास व्यक्त केला जात आहे.

Related Posts

कारच्या पैशाच्या वादातून युवकाचा खून; बेळगाव ग्रामीण पोलिसांकडून 5 आरोपी अटकेत

खानापूर येथील जिल्हास्तरीय स्केटिंग स्पर्धा उत्साहात पार

जायंटस् गृप ऑफ बेळगांव मेनचा अनोखा उपक्रम; समाजसेवकांचा सन्मान

Leave a Reply Cancel reply