बेळगाव: यंदाच्या कर्नाटक राज्योत्सवाच्या पार्श्वभूमीवर जिल्हाधिकारी मोहम्मद रोशन यांनी स्पष्ट केले आहे की,महाराष्ट्र एकीकरण समिती ला राज्योत्सवाच्या दिवशी ‘काळा दिन’ पाळण्यास कोणतीही परवानगी दिली जाणार नाही. जिल्हाधिकारी म्हणाले की, राज्योत्सव हा ऐक्य, सौहार्द आणि सकारात्मकतेचा दिवस असून कोणत्याही विरोधात्मक उपक्रमाला मार्ग नाही.
याशिवाय, जिल्हाधिकारी रोषन यांनी सांगितले की, भविष्यातील नियोजनासाठी मासिक पातळीवर कर्नाटकसंबंधी संघटना आणि जिल्हा प्रशासन यांच्यात बैठक घेण्यात येणार आहे, जेणेकरून राज्योत्सवाचे कार्यक्रम शांततामय आणि सुव्यवस्थित रितीने पार पडतील.
जिल्हा प्रशासनाने नागरिकांना आवाहन केले आहे की, उत्सवाचा आनंद ऐक्य, सौहार्द आणि सकारात्मकतेत साजरा करावा, तसेच कोणत्याही वादग्रस्त हालचालीला कडक कारवाई केली जाईल.
सदर बैठक ही जिल्हा पंचायतीच्या सभागृहात आयोजित केली गेली असून बैठकीला जिल्हा पोलिस प्रमुख भीमाशंकर गुळेद यांच्यासह अनेक खात्याचे अधिकारी आणि कन्नड संघटनाचे पदाधिकारी उपस्थित होते.
