बेळगाव – सार्वजनिक गणेशोत्सव मंडळ चव्हाट गल्ली बेळगाव येथे बेळगावचा राजा म्हणून प्रसिद्ध असलेल्या श्री गणरायाची आरती शुक्रवारी रात्री मोठ्या जल्लोषात संपन्न झाली. पोलीस आयुक्त भुषण बोरसे यांच्या हस्ते रात्री आठ वाजता मंडपात विधिवत आरती करण्यात आली. यावेळी “गणपती बाप्पा मोरया – बेळगावचा राजा” च्या गजराने परिसर दुमदुमून गेला.
यावेळी आयुक्त बोरसे यांनी आपले मनोगत व्यक्त करताना सांगितले की, “गणेशोत्सव हा युवकांना आणि नागरिकांना एकात्मतेचा, भक्तीचा व सामाजिक बांधिलकीचा संदेश देणारा उत्सव आहे. सर्वांनी हा उत्सव शांततेत आणि उत्साहात साजरा करावा, तसेच प्रशासनाने दिलेल्या नियमांचे पालन करणे आवश्यक आहे.”
मंडळाचे पदाधिकारी सुनिल जाधव यांनी सांगितले की, दरवर्षीप्रमाणे यंदाही श्री गणेशोत्सव उत्साह, भक्तिभाव आणि विविध सांस्कृतिक कार्यक्रमांच्या माध्यमातून चव्हाट गल्ली मंडपात सुरू झाला आहे.
या प्रसंगी प्रताप मोहिते, विश्वजित हसबे, सुनिल जाधव, दिंगबरु पवार, प्रज्वल पाटील, प्रवीण धामनेकर, उत्तम नाकाडी, श्रीनाथ पवार, विनायक पवार, अभिषेक नाईक, सत्यम नाईक, वृषभ मोहिते, भरत काळगे, अनंत बामणे, रोहन जाधव, सौरभ पवार, हर्षल नाईक, महिंद्र पवार, निखील पाटील, संदीप कामुले, राहुल जाधव, संजय रेडेकर, उमेश मेणसे यांसह अनेक मान्यवर व कार्यकर्ते उपस्थित होते.
👉 बेळगावचा राजाच्या दर्शनासाठी शहरभरातील भाविकांची गर्दी होत असून, मंडपात भक्ती व उत्साहाचे वातावरण आहे.
