📰 सदाशिव नगरात गणेशोत्सवी देणगी संकलनासोबत स्वच्छता व सायबर गुन्हे जनजागृती

बेळगाव : श्री हिंदवी स्वराज सार्वजनिक गणेश उत्सव युवक मंडळ, सदाशिव नगर यांच्यावतीने गणेश चतुर्थी उत्सवानिमित्त देणगी संकलन मोहीम राबविण्यात आली. या उपक्रमात सामाजिक कार्यकर्ते प्रसाद चौगुले व मंडळ सदस्यांनी नागरिकांच्या घर, दुकाने तसेच अपार्टमेंटमध्ये जाऊन देणग्या संकलित केल्या.

विशेष म्हणजे या संकलन मोहिमेत केवळ निधी गोळा करण्यापुरते मर्यादित न राहता नागरिकांमध्ये स्वच्छता व सायबर गुन्हे प्रतिबंध याबाबत जनजागृती करण्यात आली. महापालिकेच्या अनेक मोहिमा असूनही शहरातील नागरिकांकडून अजूनही रस्त्यावर कचरा टाकला जात असल्याकडे लक्ष वेधून नागरिकांनी स्वच्छतेबद्दल अधिक जागरूक होण्याचे आवाहन प्रसाद चौगुले यांनी केले.

तसेच शहरात वाढत्या सायबर क्राईमच्या पार्श्वभूमीवर मंडळ व पोलीस प्रशासनाच्या सहकार्याने नागरिकांना सतर्क राहण्याचे मार्गदर्शन करण्यात आले.

या उपक्रमात रोहन साळुंके, मयुर अरवळी, सुनील पम्मार, करण पाटील, सरवेश लोंढे यांच्यासह मंडळातील इतर कार्यकर्त्यांची सक्रिय उपस्थिती होती.

Related Posts

अगरबत्ती व्यवसायाच्या आमिषाने महिलांची फसवणूक करणाऱ्या भामट्या विरुद्ध गुन्हा दाखल

🌿श्री सिद्धेश्वर गोशाळा वाघवडेचा पाचवा वर्धापन दिन – शिवराय शिवविचार प्रतिष्ठान बेळगावतर्फे भेट व गौरव 🌿

Leave a Reply Cancel reply