🎭 वरेरकर नाट्य संघाच्या नाट्य शिबिराचे थाटात उद्घाटन

बेळगाव : वरेरकर नाट्यसंघ आयोजित मुलांसाठीच्या नाट्य प्रशिक्षण शिबिराचे उत्साहात आणि थाटामाटात उद्घाटन पार पडले. शिबिराच्या प्रारंभी खजिनदार श्री. विजय देशपांडे आणि नितीन कपिलेश्वरकर यांच्या हस्ते नटराज पूजन करण्यात आले.

कार्यवाह जगदीश कुंटे यांनी स्वागत व प्रास्ताविक करत या नाट्य शिबिरामागील उद्देश स्पष्ट केला. त्यानंतर आसावरी भोकरे यांनी अशा प्रकारच्या शिबिरातून विद्यार्थ्यांना मिळणाऱ्या अनुभवांची सविस्तर माहिती दिली.

दि. २७ मार्च ते ३ एप्रिल दरम्यान चालणाऱ्या या पाच दिवसीय शिबिरात प्रसिद्ध नाट्यकर्मी नीता कुलकर्णी या मार्गदर्शन करणार आहेत. त्यांनी मुलांना अभिनयातील हालचाली, संवादफेक आणि भावदर्शन यांचे महत्त्व पटवून देत शिबिराला सुरुवात केली.

या शिबिरात विविध खेळांद्वारे नाटक म्हणजे काय, भावदर्शन, उच्चार, श्वास नियंत्रण, कल्पनाशक्ती, सर्जनशीलता, पाठांतर, सांघिक कृती, संयोजन, तसेच नाट्यनिर्मिती आणि लेखन अशा विविध अंगांचा अभ्यास प्रात्यक्षिकांसह करून घेतला जाणार आहे.

शिबिराचा समारोप ४ एप्रिल रोजी होणार असून, सर्व शिबिरार्थी मोठ्या रंगमंचावर त्यांनी शिकलेल्या कलांचे सादरीकरण करणार आहेत.

Related Posts

सायबर स्कॅमर्सपासून सावध राहा; आर्थिक नुकसान टाळा – पोलीस आयुक्त भूषण बोरसे यांचे आवाहन

लहानग्यांच्या लेमोनेड स्टॉलने वेधले लक्ष; ३ वर्षांच्या निहिराने जिंकली सर्वांची मने

हनुमान जयंतीनिमित्त घुमटमाळ मारुती मंदिरात विविध कार्यक्रमांचे आयोजन

Leave a Reply Cancel reply