📰 ज्योती सेंट्रल स्कूलचा दुहेरी विजय

बेळगाव – दक्षिण महाराष्ट्र शिक्षण मंडळाच्या ज्योती सेंट्रल स्कूलच्या विद्यार्थ्यांनी आंतरशालेय समूहगीत गायन व नृत्य स्पर्धेत आपली कला सादर करत नेत्रदीपक यश संपादन केले. लोकमान्य संस्थेच्या वतीने आयोजित या स्पर्धेला शनिवारी लोकमान्य रंगमंदिरात उत्साहपूर्ण वातावरण लाभले होते. एकूण २५ शाळांनी या स्पर्धेत सहभाग घेतला होता.

स्पर्धेत ज्योती सेंट्रल स्कूलच्या विद्यार्थ्यांनी समूहगीत गायनात सर्वप्रथम क्रमांक पटकावला, तर नृत्य स्पर्धेत द्वितीय क्रमांक मिळवत दुहेरी विजयाची नोंद केली. विद्यार्थ्यांच्या या यशाचा सन्मान शाळेच्या वतीने करण्यात आला.

विद्यार्थ्यांना मार्गदर्शन करणाऱ्या अक्षता मोरे मॅडम आणि प्रफुल्ल सर यांच्या कार्याचे विशेष कौतुक करण्यात आले. तसेच शाळेच्या एस.एम.सी. कमिटीचे चेअरमन आणि ज्योती कॉलेजचे निवृत्त प्राचार्य आर.के. पाटील, व्हाइस चेअरमन प्रा. आर.एस. पाटील, सेक्रेटरी प्रा. नितीन घोरपडे आणि मुख्याध्यापिका श्रीमती सोनाली कंग्राळकर यांनी विद्यार्थ्यांचे मनःपूर्वक अभिनंदन केले व त्यांच्या यशाबद्दल अभिमान व्यक्त केला.

👉 ज्योती सेंट्रल स्कूलच्या विद्यार्थ्यांनी दाखवलेले हे कौशल्य शाळेच्या उज्ज्वल परंपरेला अधिक बळकट करणारे ठरले आहे.

Related Posts

महाराष्ट्र-कर्नाटक सीमा प्रश्नावरील तज्ञ समितीची बैठक मंत्रालयात

बीडीसीसी बँक निवडणूक रणांगण तापलं – मदीहळी गावात गोंधळ

‘गुरु वंदना – छात्र अभिनंदन’ कार्यक्रम अपूर्व उत्साहात पार पडला

Leave a Reply Cancel reply