बेळगाव : भारतीय रोलर स्केटिंग महासंघ, कर्नाटका रोलर स्केटिंग असोसिएशन व बेळगाम डिस्ट्रिक्ट रोलर स्केटिंग असोशिएशनचा स्केटर देवेन बामणे याची जागतिक फ्री स्टाईल रोलर स्केटिंग स्पर्धेसाठी भारतीय संघात निवड झाली आहे. ही प्रतिष्ठित स्पर्धा डिसेंबर महिन्यात सिंगापूर येथे पार पडणार आहे.
या निवडीमुळे बेळगावचा अभिमान वाढला असून देवेन सध्या या स्पर्धेसाठी कसून सराव करत आहे. के.एल.ई. सोसायटीचे चेअरमन डॉ. प्रभाकर कोरे यांनी देवेनचा सत्कार करून त्याच्या पुढील वाटचालीस शुभेच्छा दिल्या तसेच आवश्यक सहकार्याचे आश्वासन दिले.
या प्रसंगी स्केटिंग प्रशिक्षक सुर्यकांत हिंडलगेकर, देवेनचे आई-वडील विनोद बामणे व ज्योती बामणे, तसेच बेळगाव जिल्हा रोलर स्केटिंग असोसिएशनचे स्केटर्स व पालक वर्ग मोठ्या संख्येने उपस्थित होते.
#Belgav #BedhadakBelgav
