बेळगाव :
बेळगाव जिल्हा ज्येष्ठ नागरिक सोसायटीच्या संध्या किरण सेवा केंद्रामार्फत डॉ. निता देशपांडे डायबेटिस सेंटर, सोमवारपेठ टिळकवाडी येथे ज्ञान आणि मनोरंजनाचा बहारदार कार्यक्रम उत्साहात पार पडला. कार्यक्रमाच्या अध्यक्षस्थानी विश्वास धुराजी होते. व्यासपीठावर कवयित्री रेखा गद्रे, उपाध्यक्ष के. एल. मजूकर, कार्यवाह सुरेंद्र देसाई, खजिनदार विनिता बाडगी आणि सहकार्यवाह शिवराज पाटील उपस्थित होते.
कार्यक्रमात कवयित्री रेखा गद्रे यांनी सामाजिक विषयांवर भाष्य करणाऱ्या विडंबनात्मक कविता आणि भावगीतांची रंगतदार सादरीकरणे केली. त्यांच्या सादरीकरणाला उपस्थित सभासदांचा उत्स्फूर्त प्रतिसाद मिळाला. पांडुरंग कारकल यांच्या प्रार्थनेने कार्यक्रमाची सुरुवात झाली.
यानंतर विजय बांदिवडेकर, रविंद्रनाथ व स्नेहलता जुवळी, सदाशिव व गिरिजा कुलकर्णी, विजय वाईगडे, डॉ. श्रेयश चौगुळे, नारायण कोरडे आणि योगिनी देसाई यांसह अनेक मान्यवरांनी मराठी, हिंदी, कन्नड गीते तसेच अभंग सादर करून उपस्थितांचे मनोरंजन केले.
सुरेंद्र देसाई यांनी स्वागत केले. पाहुण्यांची ओळख विनिता बाडगी यांनी करून दिली, तर आभार प्रदर्शन संगीता जोशी यांनी केले. ज्येष्ठ नागरिकांसाठी आयोजित हा ज्ञानवर्धक आणि मनोरंजक उपक्रम मोठ्या उत्साहात पार पडला.
