चलवेनहट्टी : चलवेनहट्टी प्राथमिक मराठी शाळेची नवीन शाळा सुधारणा समिती नुकतीच गठीत करण्यात आली असून, अध्यक्षपदी मनोहर हुंदरे यांची फेरनिवड करण्यात आली आहे. तर उपाध्यक्षपदी नंदिनी कंलखाबकर यांची निवड करण्यात आली. ही निवड प्रक्रिया ग्रामपंचायत अध्यक्ष अमृत मुद्देनवर यांच्या अध्यक्षतेखाली खेळीमेळीच्या वातावरणात पार पडली.
पालक म्हणून महिला आपल्या पाल्याकडे अधिक लक्ष देत असल्याने शाळेच्या प्रगतीत त्यांचा मोठा वाटा असतो, या पार्श्वभूमीवर यावर्षी शाळा सुधारणा समितीत महिलांचा सहभाग वाढविण्याचा निर्णय घेण्यात आला. यामुळे तालुक्यात एक वेगळा आदर्श निर्माण झाल्याचे उपस्थितांनी नमूद केले.
नवीन शाळा सुधारणा समितीमध्ये अध्यक्ष मनोहर हुंदरे, उपाध्यक्ष नंदिनी कंलखाबकर यांच्यासह सदस्य म्हणून नामदेव पाटील, विठ्ठल कंलखाबकर, बाबू सनदी, सतिश होसूरकर, हाल्लाप्पा आलगोंडी, कविता हुंदरे, लक्ष्मी पाटील, रेणुका आलगोंडी, नंदा पाटील, जयश्री पाटील, दीपा हुंदरे, सरीता पाटील, लक्ष्मी बडवाणाचे, मनाली हुंदरे, मंगल पाटील, रेणुका तानाजी आलगोंडी यांचा समावेश आहे.
या प्रसंगी पी.डी.ओ. सुनिता पाटील, मुख्याध्यापक एम. सी. वार्णुळकर, ग्रामपंचायत सदस्य यल्लाप्पा पाटील, शिक्षणप्रेमी भरमा आलगोंडी, लक्ष्मण बडवाणाचे तसेच पालक वर्ग आणि शिक्षक मोठ्या संख्येने उपस्थित होते.
#Belgav #BedhadakBelgav
