बेळगाव प्रतिनिधी
बी.के. मॉडेल हायस्कूलच्या शताब्दी महोत्सवानिमित्त १९८९ च्या माजी विद्यार्थी समूहाच्या वतीने शाळेस उपयुक्त भेटवस्तू अर्पण करण्यात आली. शाळेच्या दैनंदिन शैक्षणिक व प्रशासकीय कामकाजासाठी उपयुक्त ठरणाऱ्या संगणकीय साहित्याचा संच यावेळी शाळेला प्रदान करण्यात आला.
उपेंद्र बाजीकर यांच्या नेतृत्वाखाली माजी विद्यार्थी समूहाने ही भेट शाळेचे मुख्याध्यापक एस. एन. जोशी यांच्याकडे सुपूर्द केली. या उपक्रमाचे बेळगाव एज्युकेशन सोसायटीचे अध्यक्ष अविनाश पोतदार, सचिव श्रीनिवास शिवणगी तसेच शताब्दी महोत्सव समितीचे पदाधिकारी के. बी. हुनगुंद आणि शैलजा चाटे यांनी स्वागत करून माजी विद्यार्थ्यांचे कौतुक केले.
यावेळी शाळेचे माजी विद्यार्थी सुधीर मेलगे, नितीन हुळबत्ते, गजानन गोवेकर, महेश भिसे, दिनेश शिरोळकर, भरत पोरवाल, रमेश जैन, माधव पाटील, श्रीकांत हुंदळेकर आणि सतीश पाटील यांची उपस्थिती होती.
माजी विद्यार्थ्यांच्या या उपक्रमामुळे शाळेच्या शैक्षणिक विकासाला निश्चितच चालना मिळेल, अशी भावना यावेळी व्यक्त करण्यात आली.
