बेळगाव (प्रतिनिधी) दिल्ली येथे झालेल्या सीबीएसई राष्ट्रीय स्केटिंग स्पर्धेत बेळगावचा स्केटर सौरभ साळोखे याने उल्लेखनीय कामगिरी करत कांस्य पदक पटकावले. देशभरातील सुमारे 900 हून अधिक स्पर्धकांनी सहभाग घेतलेल्या या प्रतिष्ठेच्या स्पर्धेत सौरभने दमदार प्रदर्शन करत बेळगावचा गौरव वाढवला.
सौरभ साळोखेने या स्पर्धेत १ कांस्य पदक जिंकत स्वतःची गुणवत्ता सिद्ध केली. त्याच्या या यशामागे स्केटिंग प्रशिक्षक सूर्यकांत हिंडलगेकर, योगेश कुलकर्णी, विशाल वेसने, विठ्ठल गंगणे, विश्वनाथ येल्लूरकर आणि सोहम हिंडलगेकर यांचे मोलाचे मार्गदर्शन लाभले आहे.
तसेच त्याला डॉ. प्रभाकर कोरे, माजी आमदार शाम घाटगे, राज घाटगे, प्रेरणा घाटगे, तसेच गुड शेफर्ड स्कूलच्या प्रिन्सिपल प्रचिती आंबेकर, उमेश कलघटगी, प्रसाद तेंडुलकर यांच्यासोबतच पालकांचे सातत्यपूर्ण प्रोत्साहन लाभले आहे.
सौरभच्या यशामुळे बेळगावच्या स्केटिंग क्षेत्रात अभिमानाची भावना व्यक्त होत असून पुढील वाटचालीसाठी त्याला शुभेच्छांचा वर्षाव होत आहे.
