बेळगांव : गोवा येथे नुकत्याच पार पडलेल्या राज्यस्तरीय स्केटिंग स्पर्धेत बेळगांव जिल्हा रोलर स्केटिंग असो.च्या स्केटर्सनी उत्कृष्ट कामगिरी करत आपली गुणवत्ता सिद्ध केली. या स्पर्धेत गोवा व इतर राज्यांतील ३०० हून अधिक अव्वल स्केटिंगपटूंनी सहभाग घेतला होता.
या अत्यंत चुरशीच्या स्पर्धेत बेळगांवच्या स्केटर्सनी एकूण ९ पदकांची कमाई करत शहराच्या शिरपेचात मानाचा तुरा रोवला. यामध्ये ६ सुवर्ण व ३ रौप्य पदकांचा समावेश आहे.
या स्पर्धेत जानवी तेंडूलकर हिने ३ सुवर्ण पदकांची घवघवीत कामगिरी केली. प्रीतम बागेवाडी याने देखील ३ सुवर्ण पदके पटकावत सर्वांचे लक्ष वेधून घेतले. अमिषा वेर्णेकर हिने ३ रौप्य पदके जिंकून उल्लेखनीय यश संपादन केले.
सदर सर्व स्केटर्स के.एल.ई. सोसायटी स्केटिंग रिंक व गुड शेफर्ड स्केटिंग रिंक येथे नियमित सराव करत असून त्यांना प्रशिक्षक सूर्यकांत हिंडलगेकर, विठ्ठल गंगणे, योगेश कुलकर्णी, विश्वनाथ येल्लूरकर व सोहम हिंडलगेकर यांचे मार्गदर्शन लाभत आहे.
या यशाबद्दल स्केटर्सना डॉ. प्रभाकर कोरे, माजी आमदार शाम घाटगे, राज घाटगे, उमेश कलघटगी, प्रसाद तेंडुलकर आदी मान्यवरांचे प्रोत्साहन व पाठबळ मिळत असून सर्व स्तरातून त्यांचे अभिनंदन होत आहे.
बेळगांवच्या स्केटिंग क्षेत्रातील ही कामगिरी आगामी स्पर्धांसाठी प्रेरणादायी ठरणार आहे. 🛼✨
