थायलंड – पटाया येथे मी. आशिया 2025 आणि मी. वर्ल्ड 2025 स्पर्धेत बेळगावचा दबदबा

थायलंड – पटाया येथे मी. आशिया 2025 आणि मी. वर्ल्ड 2025 स्पर्धेत बेळगावचा दबदबा

थायलंडच्या पटाया शहरात सुरू असलेल्या मी. आशिया – 2025 आणि मी. वर्ल्ड – 2025 या आंतरराष्ट्रीय शरीर सौष्ठव स्पर्धांमध्ये आज पुन्हा एकदा बेळगावच्या खेळाडूंनी आपली दमदार छाप उमटवत अभिमान वाढवला आहे.

बेळगावचे श्री विनोद पुंडलिक मेत्री यांनी सिनियर मी. वर्ल्ड – 2025 स्पर्धेच्या 60 किलो वजनी गटात सुवर्ण पदक जिंकत जागतिक स्तरावर आपली श्रेष्ठता सिद्ध केली.

तर बेळगावचा सुपुत्र श्री रोनक किशोर गवस याने सिनियर मी. वर्ल्ड – 2025 च्या 65 किलो वजनी गटात रौप्य पदक, तसेच मी. वर्ल्ड – 2025 ज्युनियर विभागात कांस्य पदक पटकावत दुहेरी यशाची कमाई केली.

या गौरवशाली यशामुळे दोन्ही खेळाडूंचे सर्वत्र अभिनंदन होत असून, बेळगावकरांसाठी ही अत्यंत अभिमानाची बाब ठरली आहे. या दोन्ही शरीर सौष्ठवपटूंना इंडियन बॉडी बिल्डिंग फेडरेशन, कर्नाटक बॉडी बिल्डिंग असोसिएशन अँड स्पोर्ट्स तसेच बेळगाव डिस्ट्रिक्ट बॉडी बिल्डर्स असोसिएशन अँड स्पोर्ट्स यांचे मार्गदर्शन आणि सहकार्य मिळाले.

या स्पर्धांत बॉडी बिल्डिंग, बॉडी बिल्डिंग क्लासिक, मेन्स फिजिक, बिकिनी, मास्टर, मास्टर मेन्स फिजिक, वेट लिफ्टिंग अशा विविध प्रकारच्या स्पर्धांचा समावेश होता. या स्पर्धांमध्ये एकूण ४०० स्पर्धकांनी सहभाग नोंदविला.

बेळगावच्या विनोद मेत्री आणि रोनक गवस यांच्या दमदार कामगिरीमुळे भारतीय तिरंगा पुन्हा एकदा जागतिक रंगमंचावर दिमाखात फडकला.

Share

Leave a Reply

Your email address will not be published. Required fields are marked *

fifteen − seven =

error: Content is protected !!