बेळगाव (प्रतिनिधी ):
क्लब रोड येथील डॉ. संजय सुंठकर यांच्या कार्यालयात बेळगांव डिस्ट्रिक्ट बॉडी बिल्डर असोसिएशन अँड स्पोर्ट्स तसेच कर्नाटक स्टेट बॉडी बिल्डिंग असोसिएशन अँड स्पोर्ट्स यांच्या वतीने आंतरराष्ट्रीय स्तरावर चमकदार कामगिरी केलेल्या बेळगांवच्या खेळाडूंचा गौरवपूर्ण सत्कार करण्यात आला.
मी. आशिया व मी. वर्ल्ड – 2025 या स्पर्धांमध्ये उज्ज्वल यश संपादन करणारे
- विनोद पुंडलिक मेत्री
- रोनक किशोर गवस
- श्री चेतन ताशिलदार
तसेच राष्ट्रीय कराटे संघटनेमध्ये मानाचे पद भूषविलेले
- जितेंद्र काकतीकर
यांचा सन्मान करण्यात आला.
सत्कार कार्यक्रमाचे प्रमुख अतिथी म्हणून समाजसेवक मल्लेश चौगेले उपस्थित होते.
या प्रसंगी संघटनेचे डॉ. संजय सुंठकर, राजेश लोहार, रणजित किल्लेकर, अनिल अंबरोळे, नारायण चौगुले, बाबू पावशे, सुनील बोकडे, राजू पाटील, सुनील चौधरी, प्रवीण कणबरकर, प्रसाद जाधव, संतोष सुतार, चनाप्पा तसेच अनेक व्यायामपटू उपस्थित होते.
बेळगांवच्या खेळाडूंनी आंतरराष्ट्रीय मंचावर केलेल्या उल्लेखनीय कामगिरीमुळे जिल्ह्याचा मान अभिमानाने वाढल्याचे मत यावेळी व्यक्त करण्यात आले.
