📰 बेळगाव मध्ये राष्ट्रीय पंच परीक्षेचे यशस्वी आयोजन! 📰

बेळगाव जिल्हा क्रीडा संघटना यांच्या वतीने राष्ट्रीय पंच परीक्षा दिनांक 15 नोव्हेंबर 2025 रोजी लोकमान्य भवन, गणेशपूर, बेळगाव येथे यशस्वीपणे पार पडली.

या परीक्षेत बेळगाव जिल्हा कराटे संघटनेतर्फे तब्बल 50 विद्यार्थी सहभागी झाले होते, तर 5 विद्यार्थी रेफ्री म्हणून परीक्षेला बसले होते.

या राष्ट्रीय स्तरावरील परीक्षेसाठी

भारतातील अ‍ॅथलेट कमिशनचे चेअरमन व Karate India Organization चे भार्गवा रेड्डी,
तसेच जगातील वर्ल्ड कराटे फेडरेशनचे रेफ्री-पंच श्री. शिवदास
हे प्रमुख परीक्षक म्हणून उपस्थित होते.

तसेच बेळगाव जिल्हा क्रीडा कराटे संघटनेचे सचिव जितेंद्र काकतीकर यांच्या हस्ते या परीक्षेचे आयोजन करण्यात आले.

परीक्षा सकाळी 10 ते संध्याकाळी 8 वाजेपर्यंत सुरळीतपणे पार पडली. परीक्षेत उत्तीर्ण झालेल्या सर्व विद्यार्थ्यांना Karate India Organization तर्फे नॅशनल लेव्हलचे प्रमाणपत्र व राष्ट्रीय मान्य चिन्ह प्रदान करून गौरविण्यात आले.

प्रमाणपत्र वितरणावेळी बोलताना भार्गवा रेड्डी यांनी सांगितले की,
“बेळगाव जिल्ह्यात रेफ्री व पंच यांची संख्या कमी होती, परंतु या उपक्रमामुळे आज 50 पात्र पंच तयार झाले आहेत. येणाऱ्या राज्य व राष्ट्रीय स्पर्धांमध्ये या विद्यार्थ्यांना पंच म्हणून नक्कीच संधी दिली जाणार आहे.”

मुख्य रेफ्री परीक्षेत अक्षय परमोजी, शाहीर शेख, अमित वेसणे, चंदन जोशी व सचिन बरमई यांनी यश संपादन केले.

या सर्व विद्यार्थ्यांना संघटनेचे कार्यदर्शी जितेंद्र काकतीकर, रमेश अलगोडेकर, बारग मराठी यांचे मार्गदर्शन लाभले.

— बेळगाव जिल्हा क्रीडा संघटनेचा उपक्रम सर्वत्र कौतुकास्पद!

Related Posts

सुवर्ण विधानसौधातील हिवाळी अधिवेशनासाठी १० दिवसांसाठी २१ कोटींचा खर्च ?? सुरक्षा-भोजन व्यवस्थेवर भर.

थायलंड – पटाया येथे मी. आशिया 2025 आणि मी. वर्ल्ड 2025 स्पर्धेत बेळगावचा दबदबा

सीबीएसई राष्ट्रीय स्केटिंग स्पर्धेत बेळगावचा सौरभ साळोखेची चमकदार कामगिरी

Leave a Reply Cancel reply