📰 बेळगाव पोलिसांची अंमली पदार्थविरोधी कारवाईत मोठी वाढ

बेळगाव : शहर पोलिसांकडून अंमली पदार्थविरोधी मोहिमेत गेल्या तीन वर्षांत मोठ्या प्रमाणात कारवाई करण्यात आली असून 2025 मध्ये (22 ऑगस्टपर्यंत) विक्रमी प्रमाणात जप्ती व गुन्हे नोंदविण्यात आले आहेत.

मिळालेल्या माहितीनुसार, 2023 मध्ये एकूण 23 NDPS गुन्हे नोंदवले गेले होते. त्यातून 12 किलो 679 ग्रॅम अंमली पदार्थ जप्त करण्यात आले होते. यात 34 आरोपींवर कारवाई झाली होती. जप्तीची एकूण किंमत 5 लाख 71 हजार 243 रुपये एवढी होती.

2024 मध्ये या प्रकरणांत मोठी वाढ झाली. 55 NDPS गुन्ह्यांतून 11 किलो 788 ग्रॅम 844 मिलिग्रॅम अंमली पदार्थ जप्त करण्यात आले. यामध्ये 25 जप्ती प्रकरणांमधून 39 आरोपींना अटक करण्यात आली, तर स्वतंत्रपणे 30 वापर प्रकरणांतून 40 जणांवर कारवाई झाली. या जप्तीची किंमत तब्बल 10 लाख 68 हजार 950 रुपये इतकी नोंदवली गेली.

2025 मध्ये मात्र पोलिसांनी मोठा धडाका लावला आहे. 22 ऑगस्टपर्यंतच तब्बल 129 NDPS गुन्हे नोंदवण्यात आले आहेत. यामध्ये 44 प्रकरणांतून तब्बल 102 किलो 897 ग्रॅम 344 मिलिग्रॅम अंमली पदार्थ जप्त करण्यात आले असून त्याची किंमत तब्बल 33 लाख 97 हजार 810 रुपये इतकी आहे. यामध्ये 97 आरोपींवर कारवाई झाली आहे, तर स्वतंत्र 85 वापर प्रकरणांतून 104 आरोपींना अटक झाली आहे.

पोलिसांच्या आकडेवारीवरून स्पष्ट होते की 2023 ते 2025 दरम्यान NDPS प्रकरणांत मोठ्या प्रमाणात वाढ झाली आहे. केवळ आठ महिन्यांत 2025 मध्ये झालेल्या कारवाईने मागील दोन वर्षांच्या तुलनेत विक्रमी आकडे गाठले आहेत. अंमली पदार्थ विरोधात पोलिसांची कारवाई आणखी कडक करण्यात येणार असल्याचे संकेत पोलिस विभागाने दिले आहेत.

Related Posts

बेळगाव जिल्हा दसरा जलतरण स्पर्धा मोठ्या उत्साहात संपन्न – तनुज सिंग व वेदा खानोलकर वैयक्तिक चॅम्पियन

महाराष्ट्र-कर्नाटक सीमा प्रश्नावरील तज्ञ समितीची बैठक मंत्रालयात

बीडीसीसी बँक निवडणूक रणांगण तापलं – मदीहळी गावात गोंधळ

Leave a Reply Cancel reply