📰 बेळगुंदी विभागीय प्रतिभा कारंजी स्पर्धा यशस्वी संपन्नविद्यार्थ्यांना गुरुनाथ किरमटे यांचे प्रेरणादायी मार्गदर्शन

बेळगुंदी (प्रतिनिधी)म. मं. शिवराज हायकूल, राकस्कोप येथे आयोजित बेळगुंदी विभागीय प्रतिभा कारंजी स्पर्धा उत्साहपूर्ण वातावरणात पार पडल्या. कार्यक्रमाच्या अध्यक्षस्थानी मारुती धनाजी पाटील होते, तर प्रमुख वक्ते म्हणून जीजीटीआय संगणक संस्थेचे श्री. गुरुनाथ किरमटे उपस्थित होते.

किरमटे सरांनी आपल्या भाषणातून व कवितांमधून विद्यार्थ्यांना स्वतःमधील गुण ओळखून जिद्द, चिकाटी आणि सकारात्मक दृष्टिकोनाने आयुष्याला सामोरे जाण्याचा संदेश दिला. “स्वतःमधील प्रतिभेला ओळखून मार्गक्रमण करा आणि आयुष्य सुंदर बनवा” असे आवाहन त्यांनी विद्यार्थ्यांना केले.

कार्यक्रमाला प्रमुख पाहुणे मनोहर पी. बेळगावकर, महेश दुर्गु पाटील यांची उपस्थिती लाभली. पाहुण्यांचे स्वागत शाळेचे मुख्याध्यापक एम. पी. पाटील यांनी केले. सूत्रसंचालन एस. एम. शिंदे यांनी तर आभार प्रदर्शन सी. एस. पाटील यांनी केले.

स्पर्धेदरम्यान विद्यार्थ्यांनी विविध क्षेत्रातील आपली कला आणि प्रतिभा सादर करत उत्स्फूर्त सहभाग नोंदविला. कार्यक्रमास शिक्षक, पालक आणि स्थानिक मान्यवरांची मोठी उपस्थिती होती.